Biełarus kupiŭ za 300 jeŭra bałharski dakumient i jeździŭ ź im pa Jeŭropie. Ale da pary zban vadu nosić
9 krasavika litoŭskija pamiežniki na miažy Litvy z Polščaj spynili dla pravierki dakumientaŭ pasažyrski aŭtobus Scania finskaj rehistracyi, jaki kiravaŭsia maršrutam Talin — Varšava. Paśviedčańnie asoby 33-hadovaha hramadzianina Bałharyi zdałosia im padazronym, i niebiespadstaŭna.
Dakumient nie adpaviadaŭ techničnym patrabavańniam da vytvorčaści kaštoŭnych papier pa niekalkich pakazčykach, tamu ŭ pamiežnikaŭ źjaviłasia padazreńnie, što jon padrobleny. Urešcie jaho ŭładalnik musiŭ pryznacca, što nasamreč jon hramadzianin Biełarusi, čyja nacyjanalnaja viza, vydadzienaja Polščaj, minuła miesiac tamu, 9 sakavika.
Nie chočučy tracić mahčymaść znachodzicca ŭ Jeŭropie, biełarus zamoviŭ i kupiŭ u internecie za 300 jeŭra bałharskaje paśviedčańnie asoby sa svaim fota.
U vyniku biełarusa zatrymali, adnosna jaho pačata dasudovaje rasśledavańnie pa fakcie padrobki abo zavałodańnia dakumientam. U takich vypadkach praduhledžana pakarańnie ŭ vyhladzie aryštu abo pazbaŭleńnia voli na termin da 4 hadoŭ. Pakul padazravanaha ŭziali pad vartu na adzin miesiac, paviedamlaje Słužba achovy dziaržaŭnaj miažy Litvy.
Čytajcie taksama:
U Sankt-Pieciarburhu sudziać biełarusa, jaki dapamahaŭ vyjechać z Rasii afhanskaj žurnalistcy
Ad Rumynii da Armienii. Za kolki i jak možna kupić hramadzianstva inšaj krainy
Indyjec chacieŭ pierasiačy miažu Biełarusi z padroblenym brytanskim pašpartam
