Ministr justycyi Siarhiej Chamienka straciŭ pasadu. Vice-premjer Zajac taksama
Dniami ŭ aficyjnym telehram-kanale Savieta Respubliki na vielmi karotki čas apublikavali karotkaje paviedamleńnie: «NI čietko skazała ich dvoich vklučiť — Zajca i Isačienko». Adnosna taho, kudy mienavita ich NI (Natalla Ivanaŭna Kačanava) była rašuča nastrojenaja ŭklučyć, byli roznyja viersii. Ale ciapier prynamsi adnosna Leanida Zajca intryha pamierła — Łukašenka pryznačyŭ jaho «sienataram».
Leanid Zajac
U suviazi z pryznačeńniem u Saviet Respubliki Leanid Zajac straciŭ pasadu va ŭradzie — jon z 2022 hoda byŭ vice-premjeram pa sielskaj haspadarcy. A pierad tym, u 2021-2022 hadach, Zajac byŭ namieśnikam Kačanavaj u Saviecie Respubliki.
Akramia Zajca, Łukašenka adpraviŭ na siniekuru ŭ Saviecie Respubliki ministra justycyi Siarhieja Chamienku, jaki, nie budučy jurystam, ale zatoje źjaŭlajučysia vykanalnym eks-siłavikom, u apošnija hady dobra paščyravaŭ u palityčna matyvavanaj začystcy hramadzianskaj supolnaści. Ciapier jon taksama ministram užo nie budzie.
Treci pryznačany ŭ Saviet Respubliki čynoŭnik — namieśnik ministra finansaŭ Uładzisłaŭ Tatarynovič. Pra jaho vyzvaleńnie ad raniejšaj pasady pakul nie paviedamlajecca.
Čytajcie taksama:
«NI dakładna skazała ich abodvuch uklučyć». Što za novaja tajamnica biełaruskaj palityki?
Abielskaja, Baskaŭ, Žuk, Kačanava — kaho ad Minska abrali ŭ Saviet Respubliki
«Biełaja Ruś» vyłučyła šaściarych prapahandystaŭ na «Usiebiełaruski narodny schod»
Ministr infarmacyi pajšoŭ na pavyšeńnie. Ciapier Piarcoŭ — namieśnik kiraŭnika Administracyi
