Akcior Tyl Švajhier zmahajecca ź siepsisam, jamu chacieli amputavać nahu
Zorka filma «Dastukacca da niabiosaŭ» Tyl Švajhier znachodzicca ŭ balnicy i prachodzić doŭhaje lačeńnie ad siepsisu.
Tyl Švajhier. Fota: Thomas Niedermueller / Getty Images for ZFF
BILD źviazaŭsia z akcioram, jon raskazaŭ pra svoj stan:
«Ja atrymlivaju antybijotyki ŭ balnicy ŭžo dva tydni, tamu što ŭ mianie rana na nazie sa žniŭnia. Tady ja stuknuŭsia halonkaj, i ŭ jaje patrapili mikroby. Ciapier u mianie «adkrytaja naha» [jazva na nazie], tak jany heta nazyvajuć. Na žal, stanovicca ŭsio horš».
Pa danych BILD, była ryzyka taho, što nahu pryjdziecca amputavać.
Švajhier skazaŭ, što choča palacieć u Ńju-Jork na premjeru novaha filma Haja Ryčy «Ministerstva niedžentlmienskich spraŭ», u jakim jon ihraje hałoŭnuju rolu.
«Ja nie hublaju nadziei, što ŭsio moža atrymacca», — skazaŭ akcior. Adnak daktary aścierahajucca ŭskładnieńniaŭ i pakul nie dajuć dabro.
Siepsis ličycca bolš niebiaśpiečnym, čym insult ci rak małočnaj załozy. Nieśpiecyfičnyja simptomy i nizkaja infarmavanaść pacyjentaŭ i lekaraŭ paharšajuć situacyju. Štohod u Hiermanii ad siepsisu pamirajuć bolš za 140 000 čałaviek — bolš za 380 čałaviek štodnia, piša vydańnie.
Čytajcie taksama:
Sabalenka trapiła ŭ śpis samych pierśpiektyŭnych maładych lidaraŭ Forbes
oho. ništo sabie