Na vychodnych zakryjuć pierakryžavańnie ŭ centry Minska i ŭčastak praśpiekta Niezaležnaści
Ruch transpartu praz skryžavańnie praśpiekta Niezaležnaści i vulicy Kazłova ŭ Minsku abmiažujuć na dva dni. Miera budzie dziejničać z 0:40 suboty, 13 krasavika, da 5:00 paniadziełka, 15 krasavika, papiaredžvaje staličnaja Dziaržaŭtainśpiekcyja.
Fota: Jandeks.karty
Abmiežavańni ŭviaduć z-za darožnych rabot na hetym učastku.
Tak, z 0:40 13 krasavika da 5:00 14 krasavika zakryjuć ruch usich vidaŭ transpartu na pakazanym učastku pa praśpiekcie Niezaležnaści ŭ abodvuch napramkach. Ale pry hetym zachavajuć pravyja pavaroty na vulicy Kazłova i praśpiekt Mašerava.
Z 5:00 14 krasavika da 5: 00 15 krasavika całkam zakryjuć učastak praśpiekta Niezaležnaści ad vulicy Kazłova da bulvara Mulavina, a častkova — z boku płoščy Pieramohi z zachavańniem pavarotu na vulicu Kazłova.
U DAI źviartajuć uvahu, što ruch transpartu na skryžavańni z boku vulicy Kazłova budzie zakryty.
