U Breście dla školnikaŭ zładzili telemost ź niepryznanym Prydniastroŭjem
«Ruski dom» u Breście arhanizavaŭ dla vučniaŭ miascovaj škoły №3 telemost «Kosmas abjadnoŭvaje pakaleńnie». A surazmoŭcaŭ dla biełaruskich školnikaŭ znajšli ŭ niepryznanym Prydniastroŭi.
Fota: «Ruski dom» u Breście
Vučni bresckaj treciaj škoły padrychtavali dakłady pra biełaruskich kasmanaŭtaŭ Piatra Klimuka i Uładzimira Kavalonka, a taksama pra rasijskaha kasmanaŭta ź biełaruskimi karaniami Aleha Navickaha, paviedamlajuć u «Ruskim domie».
Školniki z małdaŭskaha horada Biandery pakazali, u svaju čarhu, prezientacyju pra ŭniosak ciapierašniaha Prydniastroŭja ŭ savieckuju kasmanaŭtyku. Jany raskazali, što ŭ časy SSSR u rehijonie vyrablali, maŭlaŭ, mietaličnyja truby dla kaśmičnaj ježy i ałoŭki dla kasmanaŭtaŭ.
«Ruskija damy» — heta prajekt arhanizacyi «Rassupracoŭnictva», jakaja zajmajecca prasoŭvańniem idej «ruskaha śvietu» za miažoj, a taksama raspaŭsiudžvaje rasijskuju i antyŭkrainskuju prapahandu. U Biełarusi pracujuć užo čatyry «Ruskija damy» — u Minsku, Breście, Homieli i Hrodnie.
Čytajcie taksama:
U Hrodnie ŭračysta adkryli «Ruski dom»
Biełaruś i Rasija chočuć abjadnać svaje śpisy «ekstremistaŭ» i «ekstremisckich resursaŭ»
«Mienavita tut šlach vyrašyli paŭtaryć». Na Homielščynie nasadžajuć kult Kaciaryny II
