Dzieciam u škole prapanujuć tvory Luka Biesona — mierkavańni baćkoŭ padzialilisia
Biełaruskaja tyktokierka vykłała videa z padručnikam 4 kłasa: akazvajecca, tam jość tvor suśvietna viadomaha režysiora Luka Biesona. Jana paradavałasia takoj prahramie, ale nie ŭsie padzialajuć zachapleńnie.
Videa sa staronkami dziciačaha padručnika dla dadatkovaha čytańnia ŭ 4 kłasie nabrała 63 tysiačy prahladaŭ. Tyktokierka pad nikam hanna_hamut pakazvaje, što ŭ knižcy jość bijahrafija Luka Biesona, dzie pieraličanyja jaho asnoŭnyja filmy, u tym liku «Piaty elemient» i «Anioł-A». Za bijahrafijaj raźmieščana apaviadańnie «Artur i miniputy» — hłava ź viadomaj adnajmiennaj kazki pad aŭtarstvam Biesona.
Vyhladaje, što sama błohierka zadavolenaja znachodkaj. U kamientarach jana pieraličvaje inšyja viadomyja filmy Biesona, da prykładu, «Leon» i «Taksi». A kali ŭ kamientarach pytajucca, jak francuz trapiŭ u padručnik, błohierka adkazvaje: maŭlaŭ, čałaviek zasłužyŭ, chiba nie?
Zadavolenaja nie tolki jana — padobnaja reakcyja ŭ bolšaści kamientataraŭ:
«Vielmi niebłahaja kniha. U mianie synu ŭ čaćviortym kłasie zadavali «Chobit» Tołkijena čytać».
«Ja zajzdrošču dzieciam! Napeŭna, cikava!»
«I dobra, što prahresujuć i dadajuć sučasnych dziejačaŭ. Bo heta novaje pakaleńnie, jany musiać viedać aŭtaraŭ i pradziusaraŭ svajho času».
«Voś dobra. Jość vialikaja vierahodnaść pryvić luboŭ da čytańnia. Heta im cikava».
«Choć niešta narešcie hodnaje. Mnie padabajecca».
Ale znajšlisia i kamientatary, jakich sučasny aŭtar, tym bolš zamiežny, pužaje:
«Uklučycie ŭ adukacyju jaho filmy. Nam bližej Ja. Kupała, Ja. Kołas, U. Bykaŭ, K. Krapiva».
«Učora ŭroki rabili, taksama ŭ šoku była. Heta ruskaja litaratura!»
«Heta, kaniešnie, cudoŭna, ale chutka dzieci ŭvohule nie buduć viedać, chto taki Puškin, Błok, Šekśpir».
«Usio, pryjechali. Apošniaja stancyja».
«Dzie taja adukacyja, jakaja była?»
Prapahandyst Juryj Uvaraŭ z «Minskaj praŭdy» aburyŭsia navinoj pra Biesona. «Jak ža bieź jaho?» — zapytvaje mužčyna.
«Naša Niva» — bastyjon biełaruščyny
PADTRYMAĆČytajcie taksama:
U Minsku adkryvajecca pieršaja kaviarnia dla fanataŭ K-pop
«Žury chacieła niejkaj dramy». ŁHBT-aktyvist ź Biełarusi vystupiŭ na papularnym polskim šou
