Na poŭnačy Polščy ŭ rybnym porcie znajšli cieła biełarusa
U akvatoryi rybnaha porta ŭ Jastarni na polskim Pamorji znajšli miortvym 36-hadovaha hramadzianina Biełarusi. Drejfujučaje cieła zaŭvažyŭ ekipaž, jaki prachodziŭ mima na katary. Palicyja pačała rasśledavańnie śmierci mužčyny, piša Most.
Rybny port u Jastarni, dzie znajšli zahinułym biełarusa. Fota: palicyja Pucka
Kamanda katara zaŭvažyła ŭ vadzie čałavieka ŭ aŭtorak, 9 krasavika, niedzie apoŭdni.
Pra incydent apieratyŭna paviedamili palicyi i ratavalnikam. U porcie terminova pačali vyratavalnuju apieracyju, ale kali mužčynu dastali z vady, to jon byŭ užo miortvy.
Śmierć biełarusa rasśleduje palicyja polskaha horada Puck pad nahladam prakuratury. Śledčyja vyśviatlajuć infarmacyju pra pryčyny trahiedyi. Na miescy, dzie znajšli zahinułaha, pracavali sudova-miedycynskija ekśpierty.
Čytajcie taksama:
