Dla lekaraŭ pryvatnych miedcentraŭ chočuć uvieści bolš strohija patrabavańni
Staršynia kamiteta pa achovie zdaroŭja Minharvykankama Ihar Jurkievič zajaviŭ, što ciapier prapracoŭvajecca pytańnie karektavańnia kvalifikacyjnych patrabavańniaŭ dla lekaraŭ, jakija pracujuć u pryvatnych miedycynskich centrach.
Fota ilustracyjnaje
Pa słovach Jurkieviča, jakija pryvodzić ahienctva «Minsk-Naviny», adkaznaść pryvatnikaŭ i dziaržaŭnych miedycynskich ustanoŭ pierad pacyjentami pavinna być adnolkava vysokaj.
Čynoŭnik paviedamiŭ, što ciapier idzie havorka pra źmienu kvalifikacyjnych katehoryj lekaraŭ, jakija zmohuć pracavać u pryvatnych miedycynskich centrach.
Na hety momant u takich ustanovach majuć prava pracavać śpiecyjalisty, jakija skončyli mieduniviersitet try hady tamu. Adnak, jak adznačyŭ Ihar Jurkievič, časta takija daktary pravodziać apieracyi, jakija na vysokim uzroŭni moža vykonvać chirurh z vopytam raboty 5-7 hadoŭ.
Jurkievič zajaviŭ, što ciapier idzie abmierkavańnie pytańnia ab uviadzieńni novych patrabavańniaŭ da rabotnikaŭ pryvatnych miedcentraŭ: tam chočuć dazvolić pracavać tolki lekaram pieršaj i vyšejšaj kvalifikacyjnych katehoryj.
Čytajcie taksama:
Kolki sapraŭdy zarablajuć biełaruskija daktary? Spytali ŭ ich
Pryvatnaja stamatałohija raptoŭna paviedamiła, što z 1 krasavika prypyniaje pryjom klijentaŭ
Uładalnik klinik «Novy zrok»: Ja jechaŭ na sud u Biełaruś, ale mianie zatrymaŭ Interpoł
Hałoŭčanka zahadaŭ zrabić stamatałahičnyja pasłuhi dastupnymi dla ŭsich
