Vyjšła kniha vieršaŭ Michała Aniempadystava
Vyjšła kniha vieršaŭ biełaruskaha paeta, mastaka, dyzajniera, kulturołaha Michała Aniempadystava «Ci pomniš ty». Kniha, u jakuju ŭklučanyja amal usie vieršy paeta, była vypuščana da 60-hodździa tvorcy. Taksama ŭ zborniku čytačy znojduć fotazdymki aŭtarstva Michała Aniempadystava, piša Bellit.info.
Knihu ŭžo možna kupić u internet-kniharniach, a taksama afłajn u minskim HC «Kupałaŭski» pad Kastryčnickaj płoščaj, ralety 41-42.
«Michaił Aniempadystaŭ svajoj tvorčaściu budavaŭ Karaleŭstva Biełaruś — poŭnaje stylu, hustu, šlachietnaści i lubovi da svajho. Roznabakovy i harmaničny, kanceptualny i raznastajny — vizualnaje, tekstavaje i muzyčnaje naroščvałasia na stryžań idei i razrastałasia pryhožym, ukarenienym u svaju ziamlu i tradycyju drevam.
Kali kryšacca ŭ druz epochi, zastajucca hałasy, słovy i muzyka. Zastajecca intanacyja, na jakuju abaročvalisia, za jakoj išli, jakuju šukali. Styl 1990-ch dla biełaruskaha koła byŭ zadadzieny Michałam Aniempadystavym. Hołasam taho času stalisia śpievy Karalevy biełaruskaha roku. Paezija, praśpiavanaja joj, advažna i piaščotna źmianiła prastoru i nas samich u joj. Uzdymała i adorvała niebyvałym. Śviet tady na vačach poŭniŭsia naviznoj pad hitarnyja akordy i pramoŭlenyja słovy. Tak zdavałasia. Tak było».
Ci pomniš ty, jak mała my spali?
Ci pomniš ty, jak šmat my pryśnili?
Čytajcie taksama:
Kniha Sašy Filipienki «Były syn» narešcie vyjdzie i pa-biełarusku
Kniha ŭnuka vychadcaŭ ź Biełarusi zajmaje piataje miesca ŭ top-100 najlepšych detektyvaŭ śvietu
Viktar Marcinovič pierajechaŭ u Ńju-Jork i rychtuje tam knihu
