U Maładziečnie pažyłaja para žorstka zabiła ziacia małatkom. Ciešča paśpieła źbiehčy z krainy
A ŭsio pačałosia z taho, što dačka naskardziłasia baćkam, što muž uziaŭsia za šklanku.
Fota: SK
Dniom 29 sakavika ŭ milicyju pastupiła paviedamleńnie ab źniknieńni 41-hadovaha mužčyny. Ab prapažy zajaviła žonka źnikłaha, paviedamlaje SK.
Vyśvietliłasia, što za paru dzion da źniknieńnia žančyna paskardziłasia baćkam, što jaje muž «uziaŭsia za šklanku». Piensijaniery vyrašyli razabracca i dniom 27 sakavika paklikali ziacia na razmovu, ale hutarka nie zadałasia.
Pamiž svajakami pačaŭsia kanflikt, padčas jakoha muž i žonka nakinulisia na mužčynu z małatkom i źbili jaho da śmierci.
Tolki na nastupny dzień jany vyrašyli pazbavicca cieła i dokazaŭ. Jany raspranuli ziacia, zaharnuli jaho ŭ cełafan, paśla čaho vyvieźli ŭ les i zakapali.
Supracoŭniki milicyi zatrymali 65-hadovaha mužčynu, adnak jaho žonka paśpieła pakinuć krainu.
Piensijanier pryznaŭsia ŭ zroblenym i ŭ padrabiaznaściach raspavioŭ śledčamu jak jon z byłoj žonkaj zabivaŭ ziacia, a taksama pakazaŭ, dzie zakapali cieła. Mužčyna paviedamiŭ, što małatok i mabilny telefon zahinułaha jon vykinuŭ u raku.
U dačynieńni da piensijanieraŭ raspačata kryminalnaja sprava pa p.15 č. 2 art. 139 (zabojstva, ździejśnienaje hrupaj asob).
Ciapier śledčyja rychtujuć dakumienty dla abviaščeńnia žančyny ŭ mižnarodny vyšuk. Jaje muž zaklučany pad vartu.
