«U Horkach sabrali adkidy ź inšych kałonij». Siarod jakoha kantynhientu apynuŭsia Aleś Bialacki
Były palitviazień, kandydat techničnych navuk Michaił Žamčužny ŭ novym vypusku TOK raskazaŭ pra ŭmovy ŭ kałonii ŭ Horkach, dzie znachodzicca łaŭreat Nobieleŭskaj premii Aleś Bialacki.
Michaił Žamčužny raskazaŭ, što ŭ kałonii ŭ Horkach apieratyŭnyja supracoŭniki robiać pravavoje biaźmiežža: «Jany mohuć padvierhnuć asudžanaha praz smatračych dastatkova žorstkim represijam, kali jon nie moža baranić svaje intaresy i patrabavać u adpaviednaści z zakonam biaśpiečnych umoŭ utrymańnia».
Pa słovach mužčyny, u Horkach «sabrali ŭsie adkidy ź inšych kałonij Biełarusi jak z boku administracyi, tak i z boku asudžanych, uvieś niehatyŭny ćviet sistemy adbyvańnia pakarańniaŭ».
Žamčužny miarkuje, što Aleś Bialacki ŭ kałonii znachodzicca ci ŭ pamiaškańni kamiernaha typu, ci ŭ štrafnym izalatary.
«Druhich umovaŭ dla palitviaźnia pa rasparadžeńni, prabačcie za vyraz, «prezidenta Respubliki Biełaruś», być tam nie moža. Nobieleŭski jon łaŭreat ci nie, heta nijak na jaho status nie ŭpłyvaje. Jon, chutčej za ŭsio, całkam izalavany ad navakolnaha asiarodździa».
Žamčužny adznačyŭ, što administracyja kałonii, «kali ŭ vočy, to pavodzić siabie dastatkova karektna. Ale moža zabiaśpiečyć dastatkova žorstkija ŭmovy dla ŭtrymańnia praz ahientaŭ upłyvu siarod asudžanych ci siarod apieratyŭnych supracoŭnikaŭ».
Były palitviazień tłumačyć: «Kali ty ŭ vočy im hladziš, jany intelihientnyja ludzi. Jany ŭśmichajucca, dziejničajuć u ramkach zakonu. Ale kali jany vyjduć za miežy kamiery i vy nie majecie pramoha kantaktu, jany mohuć lubuju podłaść ździejśnić ci zahadać, kab jaje ździejśnili».
Pavodle infarmacyi «Viasny», u kałonii ŭ Horkach adbyvajuć pakarańnie jak minimum 10 palitviaźniaŭ:
- Aleś Bialacki
- Vadzim Hurman
- Viktar Baruška
- Viačasłaŭ Malajčuk
- Dźmitryj Mastavy
- Dzianis Barsukoŭ
- Pavieł Aŭčaroŭ
- Pavieł Kuncevič
- Rusłan Akostka
- Siarhiej Ramanaŭ.
Hladzicie całkam:
Čytajcie jašče:
