U Minsku pradajuć elitny spartyŭny kompleks
Papularny ŭ amataraŭ tenisa fizkulturna-spartyŭny centr WIMC chočuć pradać amal za 15 młn rubloŭ (4,6 młn dalaraŭ). Infarmacyju pra heta apublikavali na partale realt.by.
WIMC raźmieščany na minskaj vulicy Staletava. Jahonaja ahulnaja płošča — bolš za 3,2 tys. kv. m, terytoryja abharodžanaja, jość svaja parkoŭka z zaradnymi stancyjami dla elektramabilaŭ, niekalki trenažornych załaŭ, sauny i ŭłasnaja kaviarnia.
Asnoŭnaja metavaja hrupa klijentaŭ kompleksu — tyja, chto zajmajecca tenisam, prytym mohuć być jak amatary, tak i prafiesijanały. U kompleksie jość jak zakrytyja korty, tak i try adkrytyja. Śpiecyjalisty ličać ich adnymi z najlepšych u Minsku.
Sam centr karystajecca reputacyjaj miesca, dzie zajmajucca sportam davoli zamožnyja ludzi.
Čytajcie taksama:
U historyi ź nieruchomaściu siamji Capkałaŭ źjaviŭsia novy siužet
U Pinsku na prodaž vystavili 100 m kanalizacyjnaj sietki
U Kiraŭskim rajonie pradali z aŭkcyjona staruju prybiralniu-«špakoŭniu»
U Breście pradali fabryku, jakaja vypuskała savieckich matrošak
