«U Bundesracie my padmirhvajem adna adnoj» — dźvie ministarki z partyi «Zialonych» u Hiermanii vyrašyli ažanicca
Palityki kažuć, što ich kachańnie — heta adnosiny na adlehłaści, jany jeździać pamiž Paŭnočnym Rejnam-Viestfalijaj i Saksonijaj.
Jozefina Paŭl zajmaje pasadu ministarki pa spravach dziaciej, moładzi, siamji, roŭnaści, biežanstva i intehracyi ziamli Paŭnočny Rejn-Viestfalija z 2022 hoda.
Kacia Majer — ministarka demakratyi i justycyi Saksonii sa śniežnia 2019 hoda. Majer raskazvaje, što zakachałasia ŭ kalehu va ŭzroście kala 30 hadoŭ, a da hetaha była ŭ adnosinach z mužčynami.
Fota: sacsietki ministresaŭ
Palityki kažuć, što ich kachańnie — heta adnosiny na adlehłaści, jany jeździać pamiž Paŭnočnym Rejnam-Viestfalijaj i Saksonijaj. I pačynajuć dzień razam: «My razam pjem kavu praz FaceTime kožnuju ranicu a 6:30». Para pryznajecca, što jany «padmirhvajuć adna adnoj» u Fiederalnaj radzie (Bundesrat), piša Bild.
Jak kažuć zakachanyja, viasielle adbudziecca nie raniej za vierasień — paśla vybaraŭ u parłamient Saksonii.
Majer i Paŭl doŭhi čas sami vystupali za lehalizacyju adnapołych šlubaŭ u Hiermanii, adpaviedny zakon ustupiŭ u siłu z 1 kastryčnika 2017 hoda.
Čytajcie taksama:
Prezident Batsvany pahražaje padaryć Hiermanii 20 000 słanoŭ
