Doraha-bahata: jak vyhladaje kvatera ŭ Minsku amal za miljon dalaraŭ
U «domie Čyža» pradajecca kvatera za 995 tysiač dalaraŭ. U abjavie abiacajuć «styl, raskošu i ŭschodniuju kłasiku ŭ kožnaj detali».
Na prodaž vystaŭlena piacipakajoŭka na 11-m paviersie. Jaje ahulnaja płošča kala 310 kvadrataŭ, žyłaja — amal 205. A na kuchni tam lohka źmieścicca kvatera siaredniestatystyčnaha biełarusa — bo dla pryhatavańnia i ŭžyvańnia ježy tut adviedzieny ažno 61 kvadrat.
Fota z sajtu realt.by
Jość try spalni, čatyry sanvuzły, pralny pakoj, čatyry łodžyi z panaramnymi voknami i cudoŭnym vidam na horad i dva bałkony.
Fota z sajtu realt.by
Udakładniajecca, što ramont u kvatery rabili ŭ 2019 hodzie pa śpiecyjalnym dyzajn-prajekcie. Vykarystoŭvalisia tolki vysakajakasnyja darahija materyjały. Miakkaja mebla vykanana z masivu azijackich parod dreva. Šmat detalaŭ, mebli, dekoru vykanany pad zakaz i pryviezieny z-za miažy.
Fota z sajtu realt.by
Pradumana sistema akustyki i šumapryhłušeńnia. Na padłozie ŭ pakojach italjanski kieramahranit, u sanvuzłach — kieramičnaja plitka. Pa ŭsioj kvatery padłoha z padahrevam. Dźvie kupałapadobnyja stoli, adzin z kupałaŭ u dyjamietry składaje bolš za 3 mietry. Dekor stolaŭ vykanany ručnym rośpisam viadomaha mastaka.
Fota z sajtu realt.by
Zaŭsiody vyhladaje kranalna, kali ŭ abjavach ab prodažy elitnaj nieruchomaści ŭdakładniajuć, kolki treba iści da bližejšaj stancyi mietro.
Kab matyvavać kupić kvateru, ahienctva nieruchomaści paviedamlaje pra pryjemnuju enierhietyku tam.
Darečy, heta nie samaja darahaja kvatera, jakuju možna nabyć u biełaruskaj stalicy. U tym ža domie — na vulicy Staražoŭskaj, 6 — pradajecca čatyrochpakajoŭka płoščaj 260 kvadrataŭ za 1,8 miljona dalaraŭ.
Čytajcie taksama:
Heta samaja tannaja kvatera ŭ Minsku
U Minsku za miljon rubloŭ pradajuć čatyrochpaviarchovuju kvateru. I heta nie centr horada
U histaryčnym centry Hrodna pradajuć kvateru z hołymi ścienami. Hołymi ŭ pramym sensie
