Heta samaja tannaja kvatera ŭ Minsku
Znachodzicca jana ŭ Zavodskim rajonie pa adrasie prajezd Čakalina i kaštuje $20 900 u ekvivalencie (68 000 rubloŭ). Ź plusaŭ (dla kahości) — pryvatny siektar, nievialikaja kolkaść susiedziaŭ i svaja terytoryja, piša Tochka.by.
Ale tut uspłyvajuć niuansy, jakija, u tym liku, tłumačać nievysoki košt. Učastak płoščaj šeść sotak — ahulny. Padzialić jaho na try častki dakumientalna nie atrymajecca, pakolki ziamla znachodzicca ŭ pažyćciova spadčynnym vałodańni. Damoŭlenaści z nahody vykarystańnia mohuć być vusnymi.
Taksama ŭ kvatery adklučanyja kamunikacyi, ale heta nie źviazana z abaviazkami, tamu inšych składanaściaŭ niama. Ale jość dazvoł na rekanstrukcyju, to-bok mahčymaść pryvieści kvateru ŭ bolš kamfortny stan.
Pry znosie, pierśpiektyvu jakoha treba ŭličvać, kali havorka idzie pra pryvatny siektar u miežach stalicy, ułaśnik naŭzamien atrymaje kvateru anałahičnaj płoščy.
Jak raspavioŭ kiraŭnik adździeła prodažaŭ TAA «Absalut nieruchomaść» Dźmitryj Babicki, zvankoŭ pa hetym abjekcie šmat. Pieryjadyčna cikaviacca inšaharodnija. Ale časta ŭ ich słaboje ŭjaŭleńnie pra toje, kolki pavinna kaštavać nieruchomaść u Minsku.
Zrešty, surazmoŭca miarkuje, što z prychodam ciopłaha nadvorja, kali padvodzić kamunikacyi stanie praściej, hetaja kvatera sydzie dosyć chutka.
Taksama pradstaŭnik ahienctva źviarnuŭ uvahu, što bližejšy pa canie abjekt nie našmat daražejšy, ale tam usio pracuje. Za $28 tysiač u ekvivalencie pradajecca paŭdoma ŭ Silikatnym zavułku niedaloka ad stancyi mietro «Spartyŭnaja».
Čytajcie taksama:
U Minsku za miljon rubloŭ pradajuć čatyrochpaviarchovuju kvateru. I heta nie centr horada
Novaja schiema machlarstva pry arendzie žylla — ciažka nie padmanucca
