Biełaruski treš-strymier Mellstroy viarnuŭsia ŭ Rasiju
Treš-błohier z Homiela Andrej Burym apublikavaŭ fota kala samalota, na jakim jon prylacieŭ u Rasiju. Pa słovach błohiera, ciapier jon znachodzicca ŭ adnoj z maskoŭskich haścinic, dzie źniaŭ numar za 1 młn rubloŭ u sutki (kala 10 tysiač jeŭra).
Treš-strymier Mellstroy viarnuŭsia ŭ Rasiju
Raniej strymiera źniali z vyšuku ŭ Rasii i Biełarusi paśla taho, jak jon paabiacaŭ zakupić sportinvientar i adzieńnie ŭ kožnuju z 500 ustanoŭ, jakija zajmajucca ŭładkavańniem dziaciej-sirot u Biełarusi. Paśla hetaha imia błohiera źnikła z baz vyšuku abiedźviuch krain, kudy jaho ŭnieśli za admovu iści ŭ biełaruskaje vojska.
Skandalnuju viadomaść Mellstroy atrymaŭ u 2020 hodzie, kali padčas adnaho sa svaich strymaŭ źbiŭ dziaŭčynu. Paśla hetaha na Buryma zaviali kryminalnuju spravu. U vyniku jamu pryznačyli paŭhoda vypraŭlenčych rabot i štraf.
Mellstroy i ciapier rehularna traplaje ŭ skandalnyja naviny, razdajučy svaim hledačam varjackija zadańni i abiacajučy za ich ščodra zapłacić. Paśla, praŭda, hetyja abiacanki nie zaŭsiody strymlivaje.
Tak, litoŭski chłopčyk, jaki daścipna paprasiŭ prezidenta svajoj krainy Hitanasa Naŭsiedu pieradać pryvitańnie Mellstroy, z dvuch miljonaŭ dalaraŭ, jakija za heta paabiacanyja, zmoža atrymać dobra kali «tolki» 100 tysiač. Inšamu čałavieku było admoŭlena ŭ vypłacie miljarda rasijskich rubloŭ (kala 11 miljonaŭ dalaraŭ) za raźmiaščeńnie nika Mellstroy na Miesiacy.
Čytajcie taksama:
Prezident Litvy pieradaŭ vitańnie skandalna viadomamu biełaruskamu videabłohieru. Jak tak vyjšła?
Siostry Hruździevy raskazali, chto pašyŭ im trešovyja sukienki ŭ vyhladzie ściahoŭ
Treš-błohiera Mellstroy źniali ź biełaruskaha i rasijskaha vyšuku za dapamohu dzieciam
