Znajści
Ałharytmičny łacinski varyjant
29.03.2024 / 22:5311RusŁacBieł

Rasijskaja deputatka prydumała, jak rasstralać tadžykskich terarystaŭ — z dapamohaj Biełarusi

Paśla taho, jak u padmaskoŭnym kancertnym kompleksie «Krokus Sici Chołł» adbyŭsia kryvavy terakt, jahonyja mierkavanyja vykanaŭcy byli zatrymanyja rasijskimi siłavikami, u Rasii pačałasia šyrokaja prapahandysckaja kampanija na karyść admieny maratoryja na vykanańnie śmiarotnych pakarańniaŭ. Hałasy ŭ padtrymku hetaha hučali z samych vysokich trybun, ale pakul sprava da viartańnia śmiarotnaha pakarańnia ŭ Rasii nie dajšła, niekatoryja biarucca prapahandavać inšy, zusim ekzatyčny varyjant. 

Maryja Bucina. Skrynšot ź videa

Deputatka Dziaržaŭnaj dumy Rasii Maryja Bucina, vystupajučy ŭ prahramie «Kłub redaktaraŭ» na BT, vykazała dumku, što ŭ zabojstvie mierkavanych terarystaŭ moža dapamahčy Biełaruś, dzie śmiarotnaje pakarańnie nikoli nie admianiałasia.

Adznačyŭšy toje, što padčas teraktu zahinuli prynamsi troje hramadzian Biełarusi, dalej Bucina skiravała svaje dumki ŭ zusim aryhinalnaje rečyšča: 

«Ja dobra infarmavanaja adnosna vašaha zakanadaŭstva, u tym liku pra śmiarotnaje pakarańnie, jakoje prysutničaje. U hetym vypadku heta zabojstva dźviuch i bolš asob, tamu vy majecie roŭna takoje ž prava na sud nad hetymi ludźmi, jak i Rasijskaja Fiederacyja».

Maryja Bucina atrymała viadomaść paśla taho, jak jaje ŭ lipieni 2018 hoda aryštavali ŭ ZŠA pa abvinavačvańni ŭ zmovie suprać hetaj dziaržavy. Jana žyła ŭ Amierycy z 2016 hoda, a pryjechała tudy pa studenckaj vizie.

13 śniežnia 2018 hoda Bucina ŭ ramkach pahadnieńnia sa śledstvam pryznała ŭ amierykanskim sudzie svaju vinu va ŭdziele ŭ zmovie suprać ZŠA, a taksama paviedamiła, što dziejničała pad kiraŭnictvam rasijskaha čynoŭnika. 26 krasavika 2019 hoda Bucinu prysudzili da 18 miesiacaŭ turmy, a paśla adbyćcia častki terminu i departacyi jana praz paŭhoda viarnułasia ŭ Rasiju, dzie jaje karjera pajšła na ŭzdym.

Čytajcie taksama:

Abvinavačanyja ŭ terakcie ŭ «Krokusie» «pryznalisia», što jechali ŭ Kijeŭ pa ŭznaharodžańnie

Šmatdzietny baćka, biespracoŭny, prychilnik telehram-prapaviednikaŭ i niaspraŭdžany barbier. Što viadoma pra abvinavačanych u stralaninie ŭ «Krokusie»

Rasijskija prapahandysty ŭžo viedajuć, chto vinavaty ŭ terakcie

Dźmitryj Miadźviedzieŭ adreahavaŭ na terakt u Maskvie hnieŭnym dopisam z pahrozami Ukrainie

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
3
Панылы сорам
16
Ха-ха
4
Ого
1
Сумна
2
Абуральна
48
1
Spadar/adkazać/
30.03.2024
Nasilije kak osnova, Dy usiamu śvietu plavać na tvaju rabsiju!!!
0
Hojda lad́/adkazać/
30.03.2024
Novaja putinskaja z-elita pośle vozvraŝienija s svo užie sovieršiła boleje 60 ubijstv na tierritorii Rośsii. Jeŝie paru miesiaciev i putinskaja elita pieriepluniet isłamistov iz Ihił.
0
Janka/adkazać/
30.03.2024
Vik, toje, što spadarynia Bucina - vielmi dobraja admysłoŭca pa łažkach davoli starych, ale vielmi upłyvovych amierykanskich palitykaŭ - dobra viadomy fakt.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930