MTZ pakazaŭ traktar «Biełarus» paśla rebrendynhu. Što źmianiłasia?
Minski traktarny zavod apublikavaŭ u instahramie fota i videa abnoŭlenaha lehiendarnaha traktara Belarus 80.1. Asnoŭnaja źmiena, jakaja lubomu kidajecca ŭ vočy — zamiena tradycyjnaha siniaha koleru traktara na čyrvony.
Fota: Instagram / belarustractors_official
Akramia taho, abnoŭlenyja madeli, jak śćviardžajecca, vyrablenyja nie ź mietału, a z SMC-materyjałaŭ, dziakujučy čamu stali «lahčejšymi, tryvalejšymi, tańniejšymi».
Taksama ŭ abnoŭlenaj viersii traktara ŭ kabinie vykarystanyja celnašklanyja dźviery, jakija palepšyli ahlad, a taksama prastakutnyja błok-fary zamienienyja na linzavanyja moduli. Novy dyzajn raspracoŭvaŭ śpiecyjalist, jaki raniej pracavaŭ u ispanskaj aŭtamabilnaj kampanii SEAT.
Nieŭzabavie taki ž rebrendynh čakaje i madel Belarus 82.
Infarmacyja pra namiery zamianić u afarmleńni traktaraŭ sini koler na čyrvony vyklikała piarečańni i nierazumieńnie, u Ministerstva pramysłovaści navat adpraŭlali pietycyju z prośbaj hetaha nie rabić. Adnak jana nie dała vynikaŭ.
Abnoŭlenyja Belarus 80 i Belarus 82 vypuściać u sieryjnuju vytvorčaść na praciahu 2024 hoda.
Čytajcie taksama:
Biełaruś na paŭhoda praciahnuła zabaronu na vyvaz asobnych vidaŭ pramtavaraŭ
Kaniec historyi. Traktary na MTZ pierastanuć farbavać u sini koler
https://nashaniva.com/339257