Pa danosie Prydybajły zatrymali 54-hadovuju minskuju tyktokierku-tarołaha. «Abraziła pamierłych u Krokusie»

Žańnie Łaŭrovaj 54 hady. Jana rodam ź Minska. Viadoma, što ŭ žančyny jość dačka i syn.

Łaŭrova viadzie błoh u tyktoku i instahramie, dzie raspaviadaje pra svajo žyćcio, kucharyć i robić raspakoŭki. Taksama jana šmat raspaviadała pra zmahańnie z ankałohijaj, na jakuju chvareje. Na tyktok žančyny byli padpisanyja bolš za 300 tysiačaŭ čałaviek. Jašče adna śfiera žančyny — tarałohija, jana mieła asobny tyktok-kanał pa hetym nakirunku.

U adnym z apošnich strymaŭ jana skazała, što «jaje sasiski trochu padhareli, bo prylacieŭ bumieranh, tamu što joj škada i ŭkrainskich dziaciej». Hetyja słovy vydraŭ z kantekstu (ź niekalkich chvilinaŭ roliku pakinuŭšy 10 siekund) prapahandyst Kanstancin Prydybajła. Jon apublikavaŭ u svaich sacsietkach dopis, dzie zaklikaŭ siłavikoŭ aryštavać žančynu.

Skrynšot z kanała Prydybajły

Siońnia HUBAZiK napisaŭ, što jana zatrymanaja. Usie tyktok-kanały žančyny niejki čas byli niedastupnyja, ale ich užo adnavili. Taksama siłaviki adkapali ź instahrama žančyny fota, dzie jana pakazvaje simvał V z podpisam «Žyvie Biełaruś» u 2020-m.

Łaŭrovaj pahražajuć kryminalnaj spravaj za «prapahandu teraryzmu» i siamiu hadami turmy.

@nashanivanews «Abraziła pamierłych u Krokusie». Pa danosie Prydybajły zatrymali minskuju tyktokierku-tarołaha #krokus#krokuśsitichołł#biełaruś#biełaruskajamova#biełaruśnovosti#milicijabiełarusi#našaniva#mova#biełorusy#žyviebiełaruś♬ Paris - Else

Čytajcie taksama:

Hierojem «Krokusa» staŭ 15-hadovy harderobščyk Isłam. Jon vyratavaŭ 100 čałaviek

Adzin z zatrymanych za terakt byŭ u «Krokusie» jašče 7 sakavika

Čamu terarystam dali ŭciačy da branskich lasoŭ? Voś što prydumali ŭ apraŭdańnie siłavikoŭ

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

5

9

1

4

5

90