USU zajaŭlajuć, što padbili ŭ Sievastopali dva vialikija desantnyja karabli
Siońnia nočču USU atakavali anieksavany Sievastopal. U vyniku, pavodle źviestak USU, byli paškodžanyja abjekty infrastruktury i zatoplenyja vialikija desantnyja karabli «Jamał» i «Azoŭ».
Pavodle kanała «Krymski viecier», VDK «Jamał» rychtavaŭsia da chadavych vyprabavańniaŭ u Sievastopali paśla ramontu. A VDK «Azoŭ» stajaŭ na ramoncie.
Taksama ŭ paviedamleńni USU havorycca ab niekalkich paškodžanych abjektach infrastruktury Čarnamorskaha fłotu. U jakija mienavita infrastrukturnyja abjekty patrapili, nie ŭdakładniajecca.
Pavodle OSINTtechnical, ukrainskija vajskoŭcy pabili tryma rakietami Storm Shadow bujny vuzieł suviazi Čarnamorskaha fłotu Rasii.
Raniej pryznačany Rasijaj hubiernatar anieksavanaha horada Michaił Razvažajeŭ nazvaŭ načny ŭdar ukrainskaj armii samym masiravanym za apošni čas.
Čytajcie taksama:
U Kramli dali ŭkazańnie dziaržaŭnym i łajalnym uładzie ŚMI padkreślivać u terakcie «ŭkrainski śled»
Vienhryja i Słavakija admovilisia pastaŭlać snarady Ukrainie
Minabarony Rasii choča nabrać u vojski 300 tysiač čałaviek dla nastupu na Charkaŭ
