Što viadoma pra biełarusa Alima Kašavarava, jaki znachodzicca ŭ vielmi ciažkim stanie paśla teraktu
42-hadovy ŭradženiec Babrujska apošnim časam pracavaŭ u Rasii.
Alim Kašavaraŭ, fota z Adnakłaśnikaŭ
Paśla teraktu ŭ «Krokusie» ŭ balnicach Maskvy znachodziacca dziasiatki čałaviek. Viadoma jak minimum pra adnaho biełarusa, jaki zastajecca ŭ balnicy ŭ vielmi ciažkim stanie. Pa słovach pasła Biełarusi ŭ Rasii Dźmitryja Krutoha, jon znachodzicca ŭ Botkinskaj balnicy.
Havorka viadziecca pra 42-hadovaha Alima Kašavarava. Heta ŭradženiec Biełarusi. Raniej jon žyŭ u Babrujsku, ale doŭhi čas pracuje ŭ Rasii. U bazach «Biełpoła» niama infarmacyi pra jaho šlub ci najaŭnaść dziaciej.
«Učora ŭ terakcie paciarpieŭ naš siabar, jon z Babrujska, vielmi dobry čałaviek. Jon znachodzicca ŭ vielmi ciažkim stanie, jon atrymaŭ dźvie kuli, u hrudzi i ŭ žyvot. Malusia, kab ty vyžyŭ», — napisali siabry Alima ŭ instahramie.
Pavodle infarmacyi «Lusterka», mužčyna raniej byŭ žanaty, u jaho jość dačka, jakaja žyvie ŭ Babrujsku.
Pavodle infarmacyi znajomych, Kašavaraŭ moh pracavać achoŭnikam u «Krokus Sici Chole».
23 śniežnia 2023 hoda jon apublikavaŭ u sacsietkach fatahrafiju z faje kompleksu, na jakoj jon apranuty ŭ strohi čorny kaścium i biełuju kašulu — prykładna tak i vyhladajuć supracoŭniki słužby biaśpieki «Krokus Sici Choła». Padobnaje fota ŭ takim ža kaściumie mužčyna raźmiaščaŭ i ŭ pačatku 2020 hoda.
«Naša Niva» — bastyjon biełaruščyny
PADTRYMAĆČytajcie taksama:
Zatrymany pa spravie teraktu ŭ «Krokus Sici Chole» kaža, što zastreliŭ ludziej za hrošy
Svajaki šukajuć biełarusa paśla teraktu ŭ «Krokus Sici Chole»
Kolkaść zahinułych u vyniku teraktu ŭ «Krokus Sici Chole» vyrasła da 150 čałaviek
