HUBAZiK źbirajecca manitoryć akcyi na Dzień Voli ŭ Biełarusi i za miažoj. Adkazny — sumnaviadomy Hajko
Adkazny za heta supracoŭnik HUBAZiK, jaki raniej ukaraniaŭsia ŭ Čornuju knihu Biełarusi.
Na kanale homielskaha HUBAZiK vypadkova apublikavali paviedamleńnie. Ź jaho vynikaje, što mienavita HUBAZiKu daručana adsočvać akcyi da Dnia Voli — jak u Biełarusi, hetak i za miažoj.
Vydaleny dopis z kanała HUBAZiK. Fota: tgstat
Zhodna ź infarmacyjaj ad kiraŭnika «Bajpoła» Alaksandra Azarava, tradycyju skaračać imia i proźvišča da pieršych litaraŭ, prydumaŭ kiraŭnik 3-ha adździeła HUBAZiK Michaił Biedunkievič. Sam jon byŭ AAA, a Biedunkievič — BMP. Ale chto taki HAS?
Pad hetuju abrevijaturu padychodzić tolki adzin čałaviek — Hajko Artur Siarhiejevič.
Artur Hajko. Fota: ANT
«Hłavk», jak patłumačyŭ Alaksandr Azaraŭ — heta tyja, chto siadzić u Minsku na vulicy Revalucyjnaj.
Artur Hajko staŭ viadomy paśla skandału z Čornaj knihaj Biełarusi. Vyjaviłasia, što jon faktyčna kiravaŭ joj ciaham dzieviaci miesiacaŭ i ŭciorsia ŭ davier da samych roznych kołaŭ demakratyčnaj apazicyi. Praź jaho na roznyja terminy patrapili za kraty dziasiatki, kali nie sotni, ludziej.
Paśla vykryćcia jon pajšoŭ na pavyšeńnie i atrymaŭ zvańnie kapitana. Ciapier jon kiraŭnik niejkaha z adździełaŭ HUBAZiK.
«Naša Niva» — bastyjon biełaruščyny
PADTRYMAĆČytajcie taksama:
My atrymali dziesiać vypadkovych akaŭntaŭ sa «źlivu» ČKB. Ci možna vyličyć ich uładalnikaŭ?
