Minčuka za ŭdzieł u maršach pakazalna asudzili pierad studentami Ekanamičnaha ŭniviersiteta
Sud Zavodskaha rajona Minska ŭ vyjaznym sudovym pasiadžeńniem u Biełaruskim dziaržaŭnym ekanamičnym univiersitecie 28 lutaha razhledzieŭ kryminalnuju spravu pavodle č. 1 art. 342 KK (aktyŭny ŭdzieł u dziejańniach, jakija hruba parušajuć hramadski paradak) suprać 60-hadovaha Uładzimira Karala, piša «Viasna».
Sudździa Žanna Chvajnickaja pryznačyła minčuku ŭ prysutnaści studentaŭ I i II kursaŭ roznych fakultetaŭ try hady «chatniaj chimii» za ŭdzieł u čatyroch paślavybarčych akcyjach pratestu.
Zhodna ź viersijaj abvinavačvańnia, prymajučy aktyŭny ŭdzieł u niesankcyjanavanych masavych mierapryjemstvach, mužčyna nieadnarazova vychodziŭ na prajeznuju častku darohi i ažyćciaŭlaŭ videazdymku na mabilny telefon, supravadžajučy jaje svaimi kamientarami. Videazapisy, jakija jon zachoŭvaŭ na kampjutary pa miescy žycharstva, stali adnym z dokazaŭ jaho viny.
Čytajcie taksama:
Na patrabavańnie prakurora mahiloŭcu pavialičyli termin pavodle «ekstremisckaha» artykuła
