«Zasoŭvała nahu ŭ siejf i chavała kupiury pad piatku». U Homieli dyrektarka aryhinalna abkradała ŭłasnuju kramu
Hamialčanka na praciahu paŭhoda krała tavary z palic i vyručku ź siejfa ŭ kramie, dyrektaram jakoj źjaŭlałasia.
Ilustracyjnaje fota: yourbox.spb.ru
Sistema ŭliku tavarnych kaštoŭnaściaŭ, pryniataja ŭ nievialikich kramach sietki, uładkavanaja składana. Da taho ž častka tavaru moža śpisvacca i ŭtylizavacca. Hetym i skarystałasia dyrektar hastranoma, piša miascovaje vydańnie «Biełka».
Z kramy rehularna źnikali miasnyja pradukty, ałkahol i tytuń. Ich kiraŭnik prosta śpisvała jak praterminoŭku.
Kudy bolš aryhinalnym sposabam žančyna krała hrošy ź siejfa va ŭłasnym kabiniecie. Kab nie traplać u abjektyŭ videakamiery, jana adkryvała siejf, zasoŭvała ŭ jaho nahu i chavała niekalki kupiur u abutak pad piatku.
Niadobraje zapadozryła namieśnica, jakaja nastajała na invientaryzacyi. Paśla pravierki krama nie daličyłasia bolš za 2,5 tysiač rubloŭ.
Na papiarednim etapie dyrektar pryznała kradziež hrošaj i miascovych tavaraŭ. Materyjały spravy rychtujucca dla nakiravańnia ŭ sud.
Čytajcie taksama:
Vahonavažataja ŭ Minsku prysabiečyła hrošy pasažyrki: zakryŭšy adziežaj videakamieru
Stała viadoma, jakich złačynstvaŭ u Biełarusi ŭ 2023 było najbolej
Mužčyna ŭ Minsku dapamahaŭ nieznajomcu zavieści mašynu — akazałasia, paŭdzielničaŭ va ŭhonie
