U Biełarusi źbirajucca pačać zdabyču biełaj hliny
Zdabyču kaalinu, to-bok hliny biełaha koleru, płanujecca naładzić u Biełarusi, paviedamili ŭ Minpryrody. Raniej minierały, jakija vykarystoŭvajucca dla vytvorčaści farforavaha posudu i sanitarnaj kieramiki, impartavali z Ukrainy, a ciapier jany pastaŭlajucca z Rasii.
Pradukcyja Dobrušskaha farforavaha zavoda. Fota: bestbelarus.by
«Toj kaalin, jaki siońnia impartujecca, jość u nas u krainie, i ŭ biahučym hodzie budzie pačata zdabyča hetaj syraviny», — skazaŭ načalnik Hałoŭnaha ŭpraŭleńnia pryrodnych resursaŭ Ministerstva pryrodnych resursaŭ i achovy navakolnaha asiarodździa Vasil Kołb u intervju STV.
U efiry telekanała zajavili, što ciapier u krainie vyjaŭlena kala 50 vidaŭ karysnych vykapniaŭ, adnak naładžanaja zdabyča tolki pałovy ź ich.
Radoviščy kaalinu jość u Homielskaj vobłaści, adnak da hetaha ajčynnyja parody nie vykarystoŭvalisia dla vytvorčaści farforu i sanitarna-techničnych vyrabaŭ. Naša hlina maje čyrvony padton z-za vialikaha ŭtrymańnia žaleza i nie padychodzić dla vytvorčaści biełaha farforu.
Naprykład, adziny ŭ Biełarusi farforavy zavod vykarystoŭvaje dla vytvorčaści svajoj pradukcyi impartnuju syravinu z Rasii. Mienavita adtul pryvoziać jakasnuju biełuju hlinu — važny kampanient u vytvorčaści farforavaj masy.
Čytajcie taksama:
Aryštavali i vystavili na prodaž samuju mahutnuju ŭ Biełarusi soniečnuju elektrastancyju
Kolki kalijnych uhnajeńniaŭ letaś vyrabiła i ekspartavała Biełaruś
