Žychara Hrodna zatrymali za tatuiroŭku z nadpisami na ŭkrainskaj movie
Žychara Hrodna zatrymali za tatuiroŭku z łozunham «Rabiv do raju nie puskajuť. Vola abo śmierť». Videa z zatrymanym apublikavaŭ adzin z praŭładnych kanałaŭ, piša «Miedyjazona».
Aŭtary kanała śćviardžajuć, što hrodzieniec byŭ zatrymany nibyta «pa paviedamleńni pilnych hramadzian» i što «takuju maźniu lepš zrazać sa skury i vymyvać z mazhoŭ pierad naviedvańniem publičnych miescaŭ».
Zatrymany chłopiec kaža, što źbirajecca źvieści tatuiroŭku najbližejšym časam.
Aŭtarstva słohana «Rabiv do raju nie puskajuť» prypisvajuć ukrainskamu pałkavodcu Ivanu Sirko, jaki žyŭ u XVII stahodździ. Pakul jaho nie pryznavaŭ aficyjna «ekstremisckim» navat łukašenkaŭski režym.
Łozunh «Vola abo śmierć» vykarystoŭvaŭsia ŭ historyi ŭ rozny čas. Jaho čakanili na francuzskich manietach 1792 hoda, vykarystoŭvali armianskija partyzanskija atrady ŭ kancy XIX stahodździa, hetyja słovy jość i ŭ himnie Rumynii.
Čytajcie taksama:
Zatrymali pravaabaroncu Alaksandra Vajciešyka
Siłaviki zatrymali papularnaha hulniavoha strymiera
Žychara Ivacevičaŭ asudzili na paŭtara hoda «chimii» za kamientar u bok milicyjanta