Marzaluk — apanientam za miažoj: Voŭk sabaki nie baicca
Deputat Ihar Marzaluk kaža, što pra siabie starajecca ničoha nie čytać, ale byŭ čas, kali dziaržsłužačyja «z potnymi palcami hladzieli», što pra ich napisali.
Ihar Marzaluk. Skryn videa ANT
Ihar Marzaluk u intervju ANT prakamientavaŭ uvahu da siabie z boku apanientaŭ za miažoj:
«Toje, što niaroŭna dychajuć — što ja mahu adkazać. Jość takaja kłasnaja biełaruskaja prymaŭka: voŭk sabaki nie baicca, źviahi nie lubić. Mianie heta nie čaplaje praktyčna zusim. Dla taho, kab zachoŭvać zdarovy son, ja naohuł nie čytaju toje, što jany pišuć. Časam dobryja ludzi niejki skrynšot prynosiać ci žurnalisty što-niebud́ raskažuć».
Marzaluk padkreśliŭ, što paśla taho, jak niezaležnyja miedyja zabłakavali, jon nie daje im intervju.
Jon zhadaŭ adzin upłyvovy resurs, nie nazyvajučy jaho: «Z ranicy kožny dziaržsłužačy z potnymi palcami hladzieŭ, ci nie napisali pra jaho hadaść jakuju-niebudź, tamu što heta mahło być u tym liku [vykarystana] i dla razboru palotaŭ».
«Mianie heta krychu viesialić, krychu paciašaje», — prakamientavaŭ jon toje, što pra jaho pišuć.
Čytajcie taksama:
Marzaluk pachvaliŭsia, jak udaryŭ apanienta za abrazu Łukašenki: «Jon mietra paŭtara ci dva lacieŭ!»
Stała viadoma, jakija zarobki ŭ «pałatnika»-vieterana Ihara Marzaluka
