«Kibierpartyzany» papiaredžvajuć pra niebiaśpiečny bah u telehramie
«Kibierpartyzany» papiaredžvajuć pra patencyjnuju niebiaśpieku, jakaja moža čakać biełaruskich karystalnikaŭ telehrama. Pavodle ich, u viersii telehrama dla PK u niekatorych karystalnikaŭ źjaŭlajucca staryja čaty, ź jakich jany daŭno vyjšli. U profili takich čataŭ napisana «hrupa niedastupnaja», ale pry hetym adlustroŭvajucca ŭsie paviedamleńni da momantu, pakul čat nie staŭ supiersupołkaj (adminy ŭ čacie stali ananimnymi).
Kab dać hetamu rady, «Kibierpartyzany» prapanujuć nastupny ałharytm:
1) zapuścicie telehram na PK i ŭvažliva pahladzicie śpis čataŭ;
2) kali vyjavili čat, ź jakoha vy raniej vyjšli, z paznakaj «hrupa niedastupnaja»:
uručnuju vydalicie ŭsie svaje paviedamleńni ŭ hetym čacie;
vydalicie ŭsie čužyja paviedamleńni;
vydalicie sam čat.
Vydalić taki «niedastupny čat» možna tolki ŭ siabie, u inšych udzielnikaŭ jon zastaniecca. Tamu varta źviazacca z usimi ŭdzielnikami, jakija znachodziacca ŭ Biełarusi, kab jany taksama vydalili hety čat.
Čytajcie taksama:
«Kibierpartyzany» raskazali pra novy sposab machlarstva ŭ telehramie
Bazy kamientaŭ MUS rabiŭ, ale nie vielmi bačna, što HUBAZiK imi karystajecca. Ich "uliki" zvyčajna tyja nievydalenyja (!) paviedamleńni, jakija jany naskrynšocili z vašaha akaŭnta. Časam z papiaredniaha zaraz vydalenaha, kali jany viedajuć, što jon vaš.
Tut i pryčyna ŭsio ž taki vydalać paviedamleńni. Vydalenyja paviedamleńni jany nie vystaviać jak "pravaparušeńnie, jakoje praciahvajecca". Niama sensu spraščać im spravu.
Nu i pravilna nie tolki dobra pačyścić staryja akaŭnty, ale i pierastvaryć ich.