IP ciapier zmohuć padavać dekłaracyi tolki ŭ elektronnym vyhladzie
Indyvidualnyja pradprymalniki ŭ Biełarusi z 1 lipienia 2024 hoda abaviazanyja buduć padavać padatkovyja dekłaracyi (raźliki) u padatkovuju tolki ŭ vyhladzie elektronnaha dakumienta, piša ahienctva «Minsk-Naviny» sa spasyłkaj na staličnuju inśpiekcyju MPZ.
Namieśnica načalnika inśpiekcyi MPZ pa horadzie Minsku Volha Tarasievič rekamiendavała ŭsim indyvidualnym pradprymalnikam padrychtavacca da budučych źmienaŭ i zahadzia atrymać elektronny podpis.
«Heta atrymajecca zrabić u 12 rehistracyjnych centrach», — prainfarmavała čynoŭnica, dadaŭšy, što padrabiaznaja infarmacyja pra atrymańnie elektronnaha podpisu raźmieščanaja na sajcie Nacyjanalnaha centra elektronnych pasłuh.
Pasłuha atrymańnia elektronnaha podpisu płatnaja, a suma zaležyć ad terminu dziejańnia siertyfikata jurydyčnyj asoby i jaho funkcyjanału.
Čytajcie taksama:
Termin padačy padatkovaj dekłaracyi praciahnuli na adzin dzień
Padatkovaja anansavała prablemy dla biełaruskich błohieraŭ
Biełarusaŭ, što źjechali za miažu praz Rasiju, pryznajuć darmajedami
