U rasijskim Biełharadzie z-za abstrełaŭ zakryli handlovyja centry i admianili zaniatki ŭ škołach
Pry abstrele Biełharada i Biełharadskaha rajona za dzień paškodžana 106 kvater u 22 damach i 64 aŭtamabili. Zahinuli dva čałavieki, niekalki paciarpieli, śćviardžajuć miascovyja ŭłady.
Fota: Błethorad
Hubiernatar Biełharadskaj vobłaści Viačasłaŭ Hładkoŭ paviedamiŭ, što handlovyja centry buduć začynienyja 17 i 18 sakavika, a ŭ škołach i kaledžach 18 i 19 sakavika abvieščanyja vychodnymi dniami, paviedamlaje telekanał «Dožd́».
Jon zaznačyŭ, što dystancyjnych zaniatkaŭ u hetyja dni taksama nie budzie.
Pavodle jaho słoŭ, admianić zaniatki hetymi dniami rekamiendavana i ŭ VNU. U dziciačych sadach 18 i 19 sakavika buduć pracavać dziažurnyja hrupy, ale baćkam rekamiendujecca pakinuć dziaciej doma.
Telehram-kanał «Piepieł»
Pry abstrele Biełharada i Biełharadskaha rajona za dzień paškodžana 106 kvater u 22 damach i 64 aŭtamabili.
U pasiołku Dubovaje paškodžana 13 damoŭ, šeść mašyn i aŭtobus. U Razumnym — dva damy i dva aŭtamabili. U Paŭnočnym — adzin dom i adzin aŭtamabil, paviedamlaje telehram-kanał «Piepieł».
Čytajcie taksama:
Rasijski Biełharad znoŭ trapiŭ pad abstreł ranicaj 16 sakavika
Na Syzranskim NPZ adbyŭsia pažar. Zavod atakavali bieśpiłotniki
