U Mintransie paličyli, u kolki krain lotaje «Biełavija»
I heta katastrafična mała.
U aeraportach krainy letaś absłužyli kala 2,5 młn pasažyraŭ. Pra heta raskazaŭ kansultant departamienta avijacyi Ministerstva transpartu i kamunikacyj Hienadź Kaściuk u prajekcie BIEŁTA.
Avijakampanija «Biełavija» ciapier ažyćciaŭlaje paloty ŭ 20 aeraportaŭ z 10 krain śvietu. Akramia hetaha, u Nacyjanalny aeraport Minsk taksama ažyćciaŭlajuć paloty bolš za 10 zamiežnych avijapieravozčykaŭ.
«Razam atrymlivajecca dzieści bolš za 26 aeraportaŭ dziesiaci krain śvietu», — adznačyŭ Hienadź Kaściuk.
Jon nie nazvaŭ hetyja krainy, ale nie składana paličyć na sajcie «Biełavija». Heta AAE, Azierbajdžan, Armienija, Hruzija, Jehipiet, Indyja, Kazachstan, Rasija, Turcyja, Uźbiekistan.
Nahadajem, što paśla prymusovaj pasadki 23 maja 2021 hoda ŭ Minsku rejsa Ryanair Afiny — Vilnia z Ramanam Pratasievičam i Safijaj Sapiehaj na borcie «Biełavija» atrymała ban na paloty ŭ Jeŭropu.
Čytajcie taksama:
«Biełavija» viarnuła mahčymaść vybirać miescy na rejs pry anłajn-rehistracyi
