U Minsku aficyjna pačaŭsia siezon prakatu elektrasamakataŭ
Novy siezon prakatnych elektrasamakataŭ aficyjna startavaŭ u Minsku, paviedamiŭ telekanał «Biełaruś 1».
Skrynšot ź videa
«Šerynhavyja elektrasamakaty 15 sakavika zapoŭnili vulicy horada paśla zimovaha pierapynku. Papiarednie devajsy prajšli ahlady i techabsłuhoŭvańnie. Ciapier jany hatovyja da vykarystańnia», — havorycca ŭ paviedamleńni.
Klijentam hetaj pasłuhi nahadvajuć pra vykanańnie pravił darožnaha ruchu: nie pieravyšać chutkaść u 25 km/h, pierasoŭvacca na elektrasamakatach tolki va ŭstanoŭlenych miescach.
Darečy, letaś u Minsku adbyłosia 19 DTZ, u jakich atrymali traŭmy piešachody, jakija vykarystoŭvali «srodki piersanalnaj mabilnaści». Jak adznačali ŭ DAI, heta na 18% bolš, čym u 2022-m. Pry hetym pa vinie samich karystalnikaŭ samakataŭ zdaryłasia tolki try DTZ.
Čytajcie taksama:
U Minsku zabaranili katacca na samakatach uzimku i jašče čatyry tydni
U rajonie adnoj z centralnych płoščaŭ Minska istotna abmiažujuć chutkaść elektrasamakataŭ
U Lidzie prydumali sposab baraćby z «honščykami» na elektrasamakatach
