U Breście pastavili novy maśleničny słup zamiest złamanaha
Pra toje, što zamiest struchlełaha maśleničnaha słupa, jaki ŭ minułyja vychadnyja nie vytrymaŭ vahi dziciaci, jakoje karaskałasia pa im, pastavili novy, paviedamiła pres-słužba Bresckaha harvykankama.
«U Parku kultury i adpačynku ŭstalavany novy maśleničny słup vyšynioj 7 mietraŭ. Čakajem haściej i žycharoŭ Bresta ŭ niadzielu 17 sakavika na narodnym śviatočnym hulańni «Byvaj, Maślenica», — havorycca ŭ paviedamleńni.
Pryčynu padzieńnia raniejšaha słupa ŭłady bačyli ŭ vialikaj aktyŭnaści haradžan, adznačyjučy, što štohod pierad praviadzieńniem Maślenicy «kanstrukcyja prachodzić vyprabavańni na tryvałaść i ŭstojlivaść». U toj ža čas kamientatary ŭ sacsietkach adznačali što słup toj byŭ nibyta vielmi daŭni, dy i vonkava było vidać, što jon hniły.
Čytajcie taksama:
U bresckim parku ŭpaŭ maśleničny słup u toj momant, kali pa im karaskałasia dzicia
Patryjarch Kirył nie znajšoŭ suviazi pamiž pajadańniem blinoŭ i ŭratavańniem dušy
