«Usie pad kajfam». Pacuki źjeli rečavyja dokazy z marychuanaj u palicejskim upraŭleńni Novaha Arleana
Upraŭleńnie palicyi Novaha Arleana pieražyvaje našeście pacukoŭ. Hryzuny prabralisia navat u pakoj, dzie zachoŭvajucca rečavyja dokazy, i źjeli niekatoruju kolkaść marychuany, jakaja tam zachoŭvałasia. Pra heta raskazała načalnica ŭpraŭleńnia palicyi Novaha Arleana En Kirkpatryk na pasiadžeńni haradskoha kamiteta pa kryminalnym pravasudździ, piša Associated Press.
Fota: Aliaksandr Barysenka / vecteezy.com
«Pacuki jaduć našu marychuanu. Jany ŭsie pad kajfam», — zajaviła En Kirkpatryk.
Načalnica ŭpraŭleńnia patłumačyła našeście hryzunoŭ kiepskim stanam budynka palicyi. En Kirkpatryk adznačyła, što štab-kvatera pravaachoŭnikaŭ Novaha Arleana nastolki navodnienaja hryzunami i prusami, što supracoŭniki prychodziać i vyjaŭlajuć pacučyny pamiot na stałach.
«My havorym, što cenim našych supracoŭnikaŭ. Ale jakoje prava my majem razvažać pra heta, dazvalajučy ludziam pracavać u takich umovach?» — paskardziłasia načalnica palicyi.
Haradskija ŭłady paabiacali pieranieści palicejskaje ŭpraŭleńnie ŭ inšy budynak. Na pierajezd daviadziecca vydatkavać da 7,6 młn dalaraŭ.
Čytajcie taksama:
U Salihorsku žančyna znajšła ŭ dziciačym vazku vialikaha pacuka. Jon paŭhadziny byŭ na nožkach dački
Vošy, błochi, prusaki, pacuki. Chto žyvie ŭ biełaruskich turmach razam ź viaźniami
Ukrainskija vajskoŭcy dla baraćby z pacukami viazuć na front katoŭ
