Vyjšaŭ «Dziciačy śpieŭnik» Antona Hrynieviča
Vyjšaŭ drukam pieršy śpieŭnik dla dziaciej, składzieny z biełaruskich narodnych piesień, sabranych viadomym falkłarystam Antonam Hrynievičam u pieryjad z 1905 pa 1924 hod u roznych kutkach Biełarusi, piša Budzma.org.
U śpieŭnik uvajšli 33 staranna padabranyja tvory ź miełodyjami — pieśni, prypieŭki, kałychanki, zabaŭlanki. Akramia taho, układalnik źmiaściŭ u zborniku nie tolki prykłady falkłoru dla dziaciej, ale i paznajomiŭ z abradavaj i pazaabradavaj lirykaj, tancavalnymi tvorami.
Siońnia — amal praz sto hadoŭ paśla pieršaha vydańnia — zbornik atrymaŭ druhoje žyćcio.
Heta jaskravaje pieravydańnie ŭ novym hrafičnym afarmleńni z kalarovymi malunkami, tłumačeńniami, tekstami pa-biełarusku, łacinkaj i pa-anhielsku.
Akramia not, jość i aŭdyjodadatak, kab słuchać i vučyć miełodyi piesień samastojna.
Kniha vyjšła vialikim nakładam, jaje možna zamović poštaj z dastaŭkaj pa ŭsim śviecie, a taksama nabyć u knižnych kramach u Vilni, Varšavie i Minsku.
U najbližejšy časie płanujucca prezientacyi «Dziciačaha śpieŭnika» ŭ roznych haradach.
7 krasavika ŭsich dziaciej i darosłych zaprašajuć na prezientacyju śpieŭnika ŭ Poznani.
Čytajcie taksama:
«Jak nacyja vučyłasia śpiavać». Vyjšaŭ druhi nakład knihi pra Antona Hrynieviča
«Kali mužčyna śpiavaje, jon adčuvaje siabie mocnym». Siaržuk Doŭhušaŭ stvaraje novy mužčynski chor