Advakatka i maci byłoha palitviaźnia Halina Parchimčyk pakinuła Biełaruś
Halina Parchimčyk źjaŭlajecca aktyŭnaj siabroŭkaj Partyi BNF, a taksama šmat razoŭ abaraniała palityčnych źniavolenych na sudovych pracesach. Ciapier jana musiła z-za pieraśledu pakinuć Biełaruś i znachodzicca ŭ biaśpiecy, paviedamiła «Viasna».
Halina Parchimčyk
28 lutaha Halinu Parchimčyk zatrymali supracoŭniki KDB za ŭdzieł u akcyi pratestu 16 lipienia 2020 hoda. Akramia taho, žančynu vinavacili ŭ akazańni finansavaj dapamohi praz fejsbuk achviaram represij.
Spadaryniu Halinu źmiaścili ŭ IČU, ale praz tydzień adpuścili pad padpisku ab niavyjeździe ŭ statusie padazravanaj.
Syn žančyny, Viktar Parchimčyk, byŭ zatrymany 16 listapada 2020 hoda i asudžany pa č. 1 art. 339 Kryminalnaha kodeksa (Chulihanstva). Spačatku jamu dali 2 hady «chimii», ale 29 krasavika 2022 hoda jaje zamianili na kałoniju.
U vinu Parchimčyku staviłasia toje, što ŭ pieryjad z 12 pa 16 listapada 2020 hoda ŭ niekalki etapaŭ «z chulihanskich mierkavańniaŭ» jon raskidaŭ 510 samarezaŭ na prajeznaj častcy kala administracyjnaha budynka pa vulicy Jakuboŭskaha, 20 u Minsku.
Viktar Parchimčyk vyjšaŭ na volu 14 vieraśnia 2022 hoda, całkam adbyŭšy termin. Paśla taho jon vyjechaŭ za miežy Biełarusi.
Čytajcie taksama:
Eks-palitviazień Žamčužny, jaki ahułam adsiedzieŭ 11 hadoŭ, vyjechaŭ ź Biełarusi
Aktyvist Aleś Krot vyjechaŭ ź Biełarusi i raskazaŭ, jak jaho zavierbavaŭ KDB
