Minskaja DAI prapanuje paviedamlać pra «kinuty» transpart praź śpiecyjalny bot
Upraŭleńnie DAI HUUS Minharvykankama paviedamiła, što ciapier paviedamlać milicyi pra daŭno nie ekspłuatavanyja transpartnyja srodki možna praź śpiecyjalny telehram-bot. Sam pa sabie jon byŭ zapuščany raniej, i z dapamohaj jaho možna było paviedamlać DAI pra prablemnyja ŭčastki daroh. Ciapier ža funkcyi pašyryli.
Dla taho, kab danieści infarmacyju da darožnaj milicyi, nieabchodna ŭ čat-bot @Pomoghet_bot adpravić paviedamleńnie z paznačeńniem adrasa stajanki daŭno nieekspłutavanaha transpartnaha srodku i jaho fota.
Nieekspłutavany transpartny srodak — heta aŭtamabil, na jakim, naprykład, niama škła ŭ sałonie, kołaŭ, elemientaŭ kuzava, ci častki mašyny defarmavanyja, a tamu na im nielha jeździć.
«Da katehoryi nieekspłutavanych taksama naležyć transpartny srodak, jaki nie ekspłuatujecca bolš za šeść miesiacaŭ z dnia zakančeńnia terminu dziejańnia dazvołu na dopusk transpartnaha srodku da ŭdziełu ŭ darožnym ruchu i nie padtrymlivajecca ŭ naležnym stanie, jaki dapuskaje mahčymaść jaho ŭdziełu ŭ darožnym ruchu i ekspłuatacyi», — adznačyli ŭ DAI.
Čytajcie taksama:
U centry Minska lehkavik najechaŭ na śviatłafor. U mašyny vyrvała piarednija koły
70-hadovamu kiroŭcu ŭ Maładziečnie stała błaha za rulom, jon urezaŭsia ŭ dreva i pamior
