Na vulicach stalicy zaŭvažyli BTR. Što adbyvajecca
Mašynu, jakaja vidavočna vyłučajecca z transpartnaj płyni stalicy, zaŭvažyli ŭ Minsku.
Čytač Tochka.by zmoh zapisać na videa BTR, jaki raźjazdžaŭ pa Partyzanskim praśpiekcie.
Vydańnie piša, što pryčyn dla paniki niama, bo ŭ Biełarusi pravodzicca kompleksnaja pravierka bojehatoŭnaści Uzbrojenych sił.
U suviazi z hetym u najbližejšyja dni na darohach respubliki moža źjavicca nie adzin ekzemplar vajennaj techniki, a častku daroh pierakryjuć.
«Biełaruski Hajun» daje inšaje tłumačeńnie. Kanał piša, što na apublikavanym videa — bronietransparcior «Volat-V2». Jaho raspracoŭkaj zajmajecca Minski zavod kołavych ciahačoŭ, jaki jakraz raźmiaščajecca ŭ 500 mietrach ad Partyzanskaha praśpiekta.
U ciapierašni čas praciahvajucca vyprabavańni BTRa, i da kanca hoda jaho pavinny pryniać na ŭzbrajeńnie US RB.
Na videa, chutčej za ŭsio, adbyvajucca chadavyja vyprabavańni (abkatka) BTR, piša kanał.
Čytajcie taksama:
U Breście ŭračysta zdali dva damy dla vajskoŭcaŭ. Klučy ŭručaŭ ministr Chrenin
Łukašenka: My pavinny być hatovyja da vajny i mientalna, i stratehična
