Biełaruska zdoleła adsudzić u sietki kramaŭ 8500 rubloŭ za traŭmu nahi ŭ handlovaj zale
U lipieni 2023 hoda žycharka ahraharadka Biełaviežski Kamianieckaha rajona rabiła pakupki ŭ papularnaj sietkavaj kramie, raźmieščanaj tut ža ŭ vioscy. Ale pobač z chaładzilnikam jana začapiłasia nahoj za vostry kut prymacavanaha da padłohi mietaličnaha koraba dla elektrapravodki. I heta pryniesła joj vialikija prablemy, paviedamlajecca na sajcie Viarchoŭnaha suda.
Zdymak ilustracyjny
Žančyna atrymała irvanuju ranu na tylnaj pavierchni stupni, vynikam jakoj stali karotkačasovy razład zdaroŭja, a taksama abvastreńnie chraničnaha zachvorvańnia i alerhija na leki. Urešcie jaje špitalizavali i zrabili apieracyju. Navat da siońnia rana ŭsio jašče nie zažyła i žančyna lečycca doma.
Paśla niepryjemnaha incydentu viaskoŭka źviarnułasia ŭ sud i prasiła spahnać z handlovaj sietki materyjalnuju škodu ŭ 836 rubloŭ, hrašovuju kampiensacyju maralnaj škody ŭ 15 tysiač, a taksama vydatkaŭ, źviazanych z akazańniem jurydyčnaj dapamohi.
Sud Kamianieckaha rajona vyrašyŭ spahnać z adkazčyka materyjalnuju škodu ŭ 580 rubloŭ i kampiensacyju maralnaj škody — 7 tysiač rubloŭ. Akramia taho, musiać być kampiensavanyja i vydatki na jurydyčnuju dapamohu — zvyš 973 rubloŭ.
Takim čynam, usiaho biełaruska zmahła adsudzić u sietki 8558,99 rubla.
Čytajcie taksama:
Pasažyrka aŭtobusa dabiłasia ad «Minsktransa» vialikaj kampiensacyi
Biełaruska padaviłasia kavałkam «Napaleona» i adsudziła kampiensacyju
Biełaruska schadziła ŭ kramu i adsudziła potym u jaje 7 tysiač rubloŭ
