Piersanalnyja źviestki sotniaŭ biełarusaŭ paciarpieli z-za ŭciečki baz danych rasijskaj anłajn-kramy
Stała viadoma, što adbyłasia ŭciečka bazy danych klijentaŭ papularnaj rasijskaj anłajn-kramy, z-za čaho paciarpieli i biełarusy. Pra heta raskazali ŭ pres-słužbie Nacyjanalnaha centra abarony piersanalnych danych.
U paviedamleńni havorycca, što pa fakcie ŭciečki bazy danych klijentaŭ, a taksama zamoŭ rasijskaj internet-kramy tavaraŭ dla doma kuchenland.ru Nacyjanalny centr abarony piersanalnych danych sa svajho boku nakiravaŭ adpaviedny zapyt apierataru.
Adznačajecca, što było atrymana paćviardžeńnie pa fakcie niesankcyjanavanaha dostupu da bazy danych klijentaŭ hetaj internet-kramy.
Incydent zakranuŭ 270 ulikovych zapisaŭ žycharoŭ Biełarusi. Havorka idzie pra proźvišča, imia, adras elektronnaj pošty, numar telefona, a taksama datu naradžeńnia.
U centry zaklikali klijentaŭ nazvanaj anłajn-kramy być uvažlivymi, kali buduć pastupać zvanki, rassyłki, zapyty ź nieviadomych numaroŭ.
Čytajcie taksama:
Były chakier CRU, jaki pieradaŭ sakrety prajektu WikiLeaks, atrymaŭ 40 hadoŭ turmy
