U Minsku admianili pakazy filmaŭ režysiora Alaksandra Sakurava
U Minsku admianili pakazy filmaŭ rasijskaha režysiora Alaksandra Sakurava, paviedamiŭ Falcon Club. Situacyju tam tłumačać «techničnymi pryčynami».
Pakazy byli zapłanavanyja na 11-13 sakavika z udziełam samoha Sakurava, a taksama režysiora Alaksandra Załatuchina. Sakuraŭ źbiraŭsia pradstavić novy film «Kazka» i film «Sonca» 2005 hoda, a jaho vučań Załatuchin — film «Chłopčyk ruski».
Suprać pakazu filmaŭ Sakurava ŭ Biełarusi vystupali prapahandysty, siarod jakich byli Ryhor Azaronak i Vadzim Hihin. Azaronak nazyvaŭ režysiora «vidavočnym praciŭnikam» vajny va Ukrainie «i ŭsiaho, što z hetym źviazana». Hihin ža ličyć, što
«sustreča ź im stała b punktam zboru dla tych, chto staiŭsia, prystasavaŭsia, čakaje. Nijakaha šancu im davać nielha, navat sabracca razam».
Premjera filma «Kazka» adbyłasia ŭ žniŭni 2023-ha na kinafiestyvali ŭ šviejcarskim Łakarna. Jahonyja hałoŭnyja hieroi — Stalin, Hitler, Musalini i Čerčyl, jakija sustrakajucca ŭ piekle. Ministerstva kultury Rasii admoviła ŭ vydačy prakatnaha paśviedčańnia.
Čytajcie taksama:
