Kamandzir Pałka Kalinoŭskaha raskazaŭ, kolki ŭ im ciapier ludziej
Kolkaść ludziej u pałku imia Kastusia Kalinoŭskaha, jaki vajuje na baku Ukrainy, składaje amal 5 tys. čałaviek, zajaviŭ u intervju partału online.ua kamandzir biełaruskaha dobraachvotnickaha farmiravańnia Dzianis Procharaŭ («Kit»).
Pavodle słoŭ Procharava, bajcy Pałka «sa zvyčajnych cyvilnych» zmahli pieratvarycca ŭ «prafiesijnych vajskoŭcaŭ, jakija viedajuć, jak maksimalna jakasna vykonvać svaju pracu».
«Połk Kalinoŭskaha składajecca pieravažna ź biełarusaŭ i naličvaje krychu mienš za 5 tysiač bajcoŭ. Akramia hetaha, u padraździaleńni imia Kaściuški, što ŭ składzie pałka, jość dobraachvotniki z usiaho śvietu — palaki, kanadcy i francuzy», — adznačyŭ Procharaŭ.
«Rasijskaja impieryja sama pa sabie nikudy nie dzieniecca i RF nikoli nie spynicca na paŭdarozie», — zajaviŭ vajskoviec.
«Ad taho, jak chutka my spravimsia z voraham, zaležyć toje, jak chutka biełarusy zmohuć viarnucca na radzimu. U nas jość łozunh: «My vyzvalajem Biełaruś praz vyzvaleńnie Ukrainy», — padkreśliŭ «Kit».
Čytajcie taksama:
