Jahor Šaranhovič abnaviŭ rekord pa vynikovaści ŭ NCHŁ
Siońnia nočču ŭ matčy suprać «Karaliny» Nacyjanalnaj chakiejnaj lihi Jahor zakinuŭ svaju 27-ju šajbu ŭ siezonie.
Fota: tvitar «Kałhary Fłejmz»
Uličvajučy 20 halavych pasaŭ, zaraz u biełarusa na rachunku 47 bambardzirskich bałaŭ (27+20).
Za ŭvieś siezon 2021-2022 (a tady Jahor hulaŭ za «Ńju-Džersi Deviłz») u jaho było 46 bambardzirskich bałaŭ (24 šajby + 22 halavyja pieradačy).
U minułym siezonie ŭ Šaranhoviča było ŭsiaho 30 bałaŭ (13+17), stolki ž u pieršym siezonie ŭ NCHŁ (2020-21) — 30 (16+14).
A ŭ hetym siezonie jašče 18 hulniaŭ napieradzie.
Voś tolki z ahulnaj hulnioj u «Kałhary» biada. Kamanda prajhrała «Karalinie» 2:7 i zajmaje 11-je miesca ŭ Zachodniaj kanfierencyi, adstajučy ad zony płej-of na vosiem bałaŭ. Šancy trapić u Kubak Stenli nievialikija.
«Vašynhton Kepitałz» Alaksieja Protasa adstaje ad zony płej-of na try bały.
Čytajcie taksama:
Šaranhovič upieršyniu ŭ karjery nabraŭ čatyry bały za matč i pryznany pieršaj zorkaj hulni
Rasijskich chakieistaŭ, jakija pavykidali pryzy, atrymanyja z ruk Baskava, usio ž pakarali
Na zadvorkach cyvilizacyi. Dzie znachodzicca biełaruski chakiejny čempijanat u suśvietnym rejtynhu
