Erdahan zajaviŭ, što Turcyja «ćviorda staić za CHAMAS»
Prezident Turcyi Redžep Taip Erdahan padčas vystupleńnia ŭ Stambule zajaviŭ, što «nichto nie zmoža prymusić nas kłasifikavać CHAMAS jak terarystyčnuju arhanizacyju». Jon taksama adznačyŭ, što Turcyja — heta kraina, jakaja «adkryta havoryć ź lidarami CHAMAS pra ŭsio i ćviorda staić na ich baku».
Redžep Taip Erdahan. Fota: AP Photo/Francisco Seco
Paśla pačatku vajny ŭ siektary Haza Erdahan nieadnarazova zajaŭlaŭ pra padtrymku CHAMAS. Vajenny kanflikt pačaŭsia paśla taho, jak 7 kastryčnika minułaha hoda bajeviki CHAMAS uvarvalisia na terytoryju Izraila i zładzili masavuju raźniu: jany zabili bolš za 1200 čałaviek i ŭziali ŭ zakładniki kala 250.
Raniej Erdahan nazyvaŭ Izrail «terarystyčnaj dziaržavaj» i abvinavačvaŭ jaho ŭ «hienacydzie ŭ siektary Haza». Bolš za toje, sa słoŭ Erdahan, niama «nijakaj roźnicy» pamiž kiraŭnikom urada Izraila Bińjaminam Nietańjachu i lidaram nacystaŭ Adolfam Hitleram. U toj ža čas CHAMAS Erdahan nazyvaje «vyzvalenčaj hrupoŭkaj».
Čytajcie taksama:
Erdahan zajaviŭ, što hatovy pravieści pieramovy Ukrainy i Rasii. Zialenski adkazaŭ
odin užie "i našim i vašim" nakurolesił...