Armienija razhladaje ideju ŭstupleńnia ŭ Jeŭrasajuz
Ułady Armienii abmiarkoŭvajuć mahčymaści ŭstupleńnia ŭ Jeŭrasajuz, zajaviŭ kiraŭnik MZS krainy Ararat Mirzajan u intervju vydańniu TRT World.
«U Armienii aktyŭna abmiarkoŭvajucca novyja mahčymaści. Nie adkryju tajamnicy, kali skažu, što ideja ŭstupleńnia ŭ ES taksama jość u hetym śpisie. U naroda Armienii jość jeŭrapiejskija pamknieńni, i, jak ja ŭžo skazaŭ, my prachodzim hety praces i ŭbačym, jakim budzie kaniec hetaha pracesu, u jakim na hety momant nichto nie moža być upeŭnieny abo pradkazać», — skazaŭ Mirzajan.
Raniej armianski ministr kazaŭ, što nastaŭ čas pačać dyjałoh pa libieralizacyi vizavaha režymu pamiž Armienijaj i ES. Jon adznačyŭ, što Jerevan maje namier raźvivać adnosiny ź Jeŭrasajuzam i pa inšych napramkach.
«Chaču jašče raz padkreślić namier Armienii dalej pahłyblać adnosiny ź Jeŭrasajuzam na asnovie ambicyjnaha paradku dnia na karyść našych narodaŭ i dziela bolš paśpiachovaha Paŭdniovaha Kaŭkaza», — adznačyŭ jon.
Čytajcie taksama:
Armienija aficyjna paprasiła Rasiju vyvieści svaich pamiežnikaŭ ź jerevanskaha aeraporta
Łaŭroŭ pryhraziŭ Pašynianu: Zajavy Jerevana prymušajuć Rasiju zadumacca pra svaje praktyčnyja kroki
«ADKB nie ruchnie». Łukašenka prakamientavaŭ vychad Armienii z hetaj arhanizacyi
