Paviedamlajuć pra masavyja chapuny ŭ Breście i Małarycie
Pavodle krynic telekanała «Biełsat», 7 sakavika siłaviki ŭčynili masavyja zatrymańni ŭ Breście i Małarycie. Viadoma pra zatrymańnie jak minimum 40 čałaviek, šmat chto ź ich atrymaŭ 15 sutak aryštu.
Krynicy «Biełsata» paviedamlajuć, što brescki izalatar časovaha ŭtrymańnia pierapoŭnieny. Šmat ludziej akazalisia ŭ izalatary za padpisku na tak zvanyja ekstremisckija ŚMI i za kamientary.
Akramia taho, u IČU šmat tych, chto viarnuŭsia z-za miažy, a taksama kiroŭcaŭ-dalnabojnikaŭ. U čym abvinavačvajuć apošnich — nieviadoma.
Siarod zatrymanych moža być juryst Uładzimir Malej, ź jakim źnikła suviaź.
Pravaabaroncy pra masavyja zatrymańni 7 sakavika pakul ničoha nie paviedamlali.
Čytajcie taksama:
Za padpisku ŭ jutubie na «Volny chor» navapałačanina kinuli na 15 sutak
Pravaabaroncy nazvali imiony čatyroch architektaraŭ, jakich zatrymali pa kryminalnym artykule
Palitviaźniu Alehu Rubcu pryznačyli jašče paŭtara hoda źniavoleńnia
