Vyjaviłasia, što Azaronak nie viedaje bijahrafii Łukašenki i hieahrafii Biełarusi
Ryhor Azaronak padčas sumiesnaha strymu z mahiloŭskaj prahandystkaj Vitalinaj Pietrusievič vydaŭ padrychtavany žart — zajaviŭ, što zajzdrościć Vitalinie, bo jana ziamlačka Alaksandra Łukašenki. Tamu što, maŭlaŭ, ahraharadok Kopyś, u jakim naradziŭsia Łukašenka, znachodzicca ŭ Mahiloŭskaj vobłaści.
«Vitalina, viedajecie, ja vam zajzdrošču! Tamu što vy mahiloŭskaja, a ja viciebski — karaniami. I naš prezident naradziŭsia voś na samaj-samaj miažy pamiž nami. Pasiołak Kopyś, Škłoŭski rajon, heta Mahiloŭskaja vobłaść. Heta samaja-samaja miaža ź Viciebskaj, ale ŭsio roŭna Mahiloŭskaja vobłaść! Tamu voś vy, možna skazać, ziamlak našaha prezidenta», — zajaviŭ Azaronak.
«Tak, ja vielmi hetym hanarusia», — zaŭśmichałasia Pietrusievič.
Nasamreč pamylajucca jany aboje. Ahraharadok Kopyś znachodzicca ŭ Aršanskim rajonie Viciebskaj vobłaści. Jak słušna skazaŭ Azaronak, «na samaj-samaj miažy», ale ŭsio ž heta Viciebskaja vobłaść.
Tak što, kali kiravacca łohikaj prapahandystaŭ, zajzdrościć Azaronku pavinna jakraz-taki Vitalina Pietrusievič.
Čytajcie taksama:
«23 hady žyvu pry Łukašenku, płakać chočacca ad ščaścia». Mahiloŭskuju prapahandystku nie spynić
«Azaronak braniabojna stajaŭ, a Pustavy papłyŭ». Ivulin pra historyju ŭ minskim mietro
