Hrodzieniec pieratvaryŭ 36-hadovy furhončyk u kvietkavuju kramu FOTA
Pra aryhinalny padychod u kvietkavym biznesie piša Newgrodno.by.
Fota tut i dalej: Newgrodno.by
Nievialiki błakitny furhončyk «Your Flowers» staić u adnym sa spalnych rajonaŭ Hrodna. Mašynie biez małoha 36 hadoŭ, raskazvajuć žurnalisty.
Heta češski aŭtamabil Avia A21F 1988 hoda vypusku. Čechasłavackaja firma «Avija» vypuskała takija furhony z 1983 pa 1993 hod.
Raniej hety jarki hruzavičok zajmaŭsia pieravozkaj praduktaŭ u Viciebskaj vobłaści, pakul jaho nie kupiŭ kvietkavy biznesmien z Hrodna.
Darečy, sprava heta ŭ chłopca siamiejnaja. Vyroščvali i pradavali kvietki jaho baćki i navat babula. Tak što, jak pryznajecca Mark, vybaru ŭ jaho asabliva nie było. Darečy, kab uvajści ŭ spravu, źbieražeńniaŭ šmat nie treba. Kali znojdziecie pad paduškaj $3 000, možna ryzyknuć i stać handlarom ruž dy mimoz.
U Marka pa horadzie niekalki paviljonaŭ. Kankuravać ź inšymi kvietkavymi punktami, jakich u Hrodnie šmat, atrymoŭvajecca za košt vyhadnaha miescaznachodžańnia, cen i daśviedčanaha fłarysta. Viadoma, asablivaj papularnaściu karystajecca voś hety furhončyk.
— Usie dumajuć, što tut piakuć čarhovyja bliny abo handlujuć šaŭrmoj! A kali bačać kvietki, vielmi dziviacca. Padobnaha ŭ horadzie ŭ nas jašče niama… Tamu ŭvahi, viadoma, chapaje.
Adkryvać kvietkavy mahazin doraha i ŭžo banalna, kaža Mark. Tamu zamiest paviljona Hrodzienski pradprymalnik kupiŭ stareńki 36-hadovy bus.
— U horadzie ŭsio bolš i bolš źjaŭlajecca restaranaŭ na kołach. Ja padumaŭ: A čamu b mnie nie zamucić taki ž furhončyk, tolki kvietkavy? U kramie patrebnyja dadatkovyja chaładzilniki. Arenda i kamunałka darahija… A tut zadačaj samaj składanaj akazałasia znajści padychodny bus i minimalna prystasavać jaho da handlu!
Kali pradprymalnik kupiŭ bus, toj byŭ uvieś iržavy.
— Ale my jaho całkam pieraabstalavali, abšyli ŭnutry i pierafarbavali. Praviali pravodku i ŭstavili ličylniki. Na ŭsie pracy razam z kuplaj syšło blizu $4 000, — raspaviadaje haradzieniec. — Tut dyzielny ruchavik, čatyrochstupieńčataja miechaničnaja karobka pieradač, spružynnaja padvieska. Hruzapadymalnaść — zvyš 3,5 tony!
Češski furhončyk pierasoŭny. Na dalokija adlehłaści jechać, viadoma, nichto nie ryzyknie, ale z adnaho spalnaha rajona ŭ inšy całkam možna.
Dla 8 Sakavika biznesmien padrychtavaŭ bolš za 10 tysiač kvietak. Viadoma, u asnoŭnym papularnaściu ŭ hetyja dni karystajucca ciulpany. Siaredniaja ich cana — ad 3,5 rubla. Atrymlivajecca, za adzin dzień realna vyručyć kala 10 tysiač dalaraŭ.
Čytajcie taksama:
Pa jakoj canie pradajuć kvietki ŭ Minsku napiaredadni 8 Sakavika
Dzie tańniejšyja ciulpany — u pradaŭcoŭ na vulicy ci ŭ kramie?
Kvietki da 8 Sakavika ŭ Minsku pradajuć u bolš čym 180 punktach
