Makron hatovy pasłać vojski va Ukrainu ŭ vypadku kali Rasija pojdzie na Adesu ci Kijeŭ
«Niama nijakich miežaŭ i čyrvonych linij», — skazaŭ Žardan Bardeła z «Nacyjanalnaha abjadnańnia».
Emaniuel Makron. Fota: Alex Brandon / AP
Lidar Kamunistyčnaj partyi Francyi Fabjen Rusiel raspavioŭ, što padčas sustrečy z kiraŭnikami partyjaŭ prezident Emaniuel Makron abmiarkoŭvaŭ scenar, pry jakim mohuć być uviedzienyja vojski va Ukrainu, piša The Moscow Times sa spasyłkaj na L'Independant.
Prezident Francyi śćviardžaŭ, što moža adpravić vojski va Ukrainu, kali adbudziecca praryŭ frontu ŭ bok Adesy ci Kijeva.
Svaje kamientary haziecie dali i inšyja pradstaŭniki partyj.
«Niama nijakich miežaŭ i čyrvonych linij», — skazaŭ Žardan Bardeła z «Nacyjanalnaha abjadnańnia».
«Ja pryjechaŭ zaniepakojenym, a źjechaŭ jašče bolš zaniepakojenym», — rastłumačyŭ pradstaŭnik «Niepakornaj Francyi» Manuel Bampar.
Francuzskija ŭłady razhladajuć mahčymaść dazvolić śpiecnazu i vajennym padraździaleńniam pierasiakać miažu Ukrainy, paviedamlała hazieta Le Monde.
Pa źviestkach krynic haziety, Paryž prapanoŭvaŭ dać im mahčymaść pierasiakać ukrainskuju miažu, kab pastavić pierad Rasijaj «stratehičnuju dylemu».
Čytajcie taksama:
«Prezident Zialenski hetaha nie prosić». U ZŠA adreahavali na zakliki Makrona
Makron u Prazie zaklikaŭ jeŭrapiejcaŭ «nie być bajaźliŭcami»
