Pastaru z Novałukomla dali novyja 15 sutak za propaviedź
Novałukomlskaha pastara carkvy Chryścijan viery jevanhielskaj Alaksandra Zareckaha zatrymali 22 lutaha za toje, što jon maliŭsia za Ukrainu. Z prysudžanych jamu 15 sutak jon pavinien byŭ vyjści zaŭtra, ale 6 sakavika jaho paŭtorna asudzili na tyja samyja 15 sutak — pa č. 1 art. 24.23 KaAP (parušeńnie paradku arhanizacyi i praviadzieńnia masavych mierapryjemstvaŭ), piša «Chryścijanskaja vizija».
Hetym razam aficyjnaj pryčynaj dla zatrymańnia stała pramoŭlenaja pastaram propaviedź padčas nabaženstva. I raniej miascovyja ideołahi nie raz pradjaŭlali pastaru pretenzii z nahody źmiestu malitvaŭ i propaviedziaŭ.
Alaksandr Zarecki i jaho hramada padviarhalisia pieraśledu z boku siłavikoŭ užo nie raz. U lipieni 2021 hoda ŭ pastara adbyvaŭsia pieratrus, u listapadzie 2021 hoda administracyjnaja sprava była raspačataja z-za niaznačnych niedakładnaściaŭ pry afarmleńni humanitarnaha hruzu.
20 krasavika 2023 hoda pastar byŭ zatrymany pa art.19.11 KaAP RB za łajki i kamientary da materyjałaŭ ź internet-resursaŭ, pryznanych ekstremisckimi.
Pastar dvojčy zapar atrymaŭ aryšt na 15 sutak, pravioŭšy za kratami miesiac.
Čytajcie taksama:
U Hrodnie zatrymali majstra AAT «Hrodnažyłbud»
Za Marš asudzili muža i žonku: ich zatrymali, kali jany vyjazdžali ź Biełarusi ŭ hości da dziaciej
Žychara Łuninca asudzili da siami hadoŭ kałonii pa šerahu pratesnych artykułaŭ
